प्रिमियर लिग: आर्सनल र म्यानचेष्टर युनाइटेडले अंक बाँडे
<p>काठमाडौं। प्रिमियर लिग अन्तर्गत घरेलु मैदानमा भएको खेलमा म्यानचेष्टर युनाइटेडले आर्सनलसँग बराबरी खेल्दै अंक बाँडेको छ।</p>
<p>गएराती ओल्ट ट्राफोर्डमा भएको खेलमा स्कट म्याकटोमिनेले मार्कुस रासफोर्डको पासमा गोल गर्दै घरेलु टोली युनाइटेडलाई अग्रता दिलाएका थिए। तर, दोस्रो हाफमा लण्डन क्लब आर्सनलले गोल फर्कायो।</p>
<p>५८ औं मिनेटमा एरे उमरिक ओवामेयाङले बुकायो साकाको पासमा गोल गर्दै खेल बराबरी गरेका थिए। बराबरीपछि आर्सनल सात खेलबाट १२ अंक जोड्दै अंक तालिकामा चौथो स्थानमा उक्लेको छ।</p>
<p>समान अंक रहेपनि आर्सनलले वेष्टहमलाई पछि पारेको हो। </p>
<p>उता ९ अंक मात्र जोडेको युनाइटेड भने दशौं स्थानमा छ। शतप्रतिशत जितसहित २१ अंक जोडेको लिभरपुल शिर्ष स्थानमा आसिन छ।</p>
<p>प्रिमियर लिगमा युनाइटेडको यो ३० वर्ष यताकै सबैभन्दा खराब शुरुवात् हो।</p>
<p>शुरुवाति ७ खेलमा पनि युनाइटेडले दोहोरो अंक जोड्न सकेको छैन।</p>
<p>सन् १९८९-९० मा पछिल्लो पटक युनाइटेडले ७ खेलबाट दोहोरो अंक छुन सकेको थिएन, त्यस सिजन युनाइटेड लिगमा १३ औं भएको थियो।<br />
</p>
प्रतिक्रिया दिनुहोस्
.jpg)
