ट्राई नेशन सिरिज: नेपाललाई जिम्बावे विरुद्ध बदला लिने अवसर
<p>काठमाडौं। सिंगापुरमा भइरहेको सिंगापुर ट्राई नेशन टी-२० सिरिज अन्तर्गत नेपालले आज जिम्बावेसँग खेल्दैछ। यसअघि दुई खेल खेलिसकेको नेपालले एक हार र एक जितको नतिजा निकालेको थियो।</p>
<p>सिरिजको पहिलो खेलमै जिम्बावेसँग खेलेको नेपाल ५ विकेटले पराजित भएको थियो। उक्त खेलमा जिम्बावेलाई जिताउन मुटुम्बानी र राएन बुर्लले छैटौँ विकेटका लागि अर्धशतकीय साझेदारी गरेका थिए। तर, दोस्रो खेलमा नेपालले सिंगापुरलाई हराउँदै २ अंक जोडेको थियो।</p>
<p>कप्तान पारस खड्काले ५२ बलमा नटआउट १०६ रन बनाएपछि नेपालले सिंगापरलाई सजिलै ९ विकेटले हरायो। त्यसपछिको खेलमा घरेलु टोली सिंगापुरले जिम्बावेमाथि ऐतिहासिक ४ रनको जित निकाल्दा सिरिज रोमाञ्चक बनेको छ। सहभागि तीन वटै टोलीको अहिले समान २ अंक छ। रनरेटमा नेपाल शीर्ष स्थानमा छ। त्यसैले पनि नेपालको लागि आज जिम्बावेविरुद्ध उत्कृष्ट प्रदर्शन गर्दै बदला लिने अवसर छ।</p>
<p><img alt="" height="560" src="https://www.dekhapadhi.com/storage/photos/shares/Sports/try nation series 1.jpg" width="840" /></p>
<p>जिम्बावे विरुद्ध उपकप्तान दिपेन्द्र सिंह ऐरी र सोमपाल कामीले राम्रो ब्याटिङ गरेका थिए भने सन्दीप लामिछानेले उत्कृष्ट बलिङ गर्दै ३ विकेट लिएका थिए। सिंगापुर विरुद्ध नेपालको बलिङ राम्रो रहन नसकेपनि ब्याटिङमा कप्तान पारसले आरिफ शेखसँग उत्कृष्ट साझेदारी गरेका थिए। </p>
<p>पारसलाई गतिलो साथ दिएका आरिफले नटआउट ३९ रन योगदान गरेका थिए। यस सिरिजमा आरिफले तेस्रो नम्बरमा ब्याटिङ गरिरहेका छन्।</p>
<p>यस्तै पहिलो पटक राष्ट्रिय टिममा परेका दुई युवा खेलाडी इशान पाण्डे र कुशल मल्लले पहिलो खेलमै जिम्बावे विरुद्ध डेब्यु गरेका थिए। सुसन भारीले भने सिंगापुर विरुद्ध डेब्यु गरेका थिए।</p>
<p>नेपाल र जिम्बावेबीचको खेल नेपाली समय अनुसार आज साँझ सवा ५ बजे इन्डियन एसोसिएसन ग्राउण्डमा शुरु हुनेछ।<br />
</p>
प्रतिक्रिया दिनुहोस्
.jpg)
