सकियाे १३औं सागको ब्याडमिन्टन छनोट
<p>राष्ट्रिय खेलकुद परिषद्को कभर्ड हलमा भएको छनाेट प्रतियोगिताबाट १० पुरुष र १० महिला खेलाडी छनोट गरिएको संघका सचिव नविनविक्रम शाहले जानकारी गराए।</p>
<p>आठौं राष्ट्रिय खेलकुदबाट पहिलो चरणमा छनोट भएका १७ पुरुष र १७ महिला खेलाडीहरूलाई बन्द शिविरमा राखी प्रशिक्षण दिँदै आएकोमा अन्तिम चरणका लागि १० पुरुष र १० महिला खेलाडी छनोट गरिएको शाहले जानकारी गराए।</p>
<p>१३ असाेजबाट सुरु भएको छनोट प्रतियोगिताबाट पुरुषतर्फ रत्नजित तामाङ्, दीपेश धामी, विकास श्रेष्ठ, प्रिन्स दाहाल, नवीन श्रेष्ठ, प्रफुल महर्जन, सुनिल जोशी, विष्णु कटुवाल, जीवन आचार्य र साजनकृष्ण ताम्राकार छनोट भएका छन् ।</p>
<p>यस्तै महिलातर्फ नङ्गशल तामाङ्ग, रशिला महर्जन, जेशिका गुरुङ्ग, सीमा राजवंशी, पूजा श्रेष्ठ, अनुमाया राई, अमीता गिरी, सीता राई, नीता लम्साल र शोभा गौचन छन्।</p>
<p>खेलाडीहरूलाई साग प्रतियोगिताको तयारीका क्रममा बाँकी समय पोखरामा बन्द प्रशिक्षण दिइनेछ।</p>
<p>१३औं सागमा ब्याडमिन्टनको प्रतिस्पर्धा पोखरा रङ्गशालास्थित बहुउद्देश्यीय कभर्ड हलमा हुने कार्यक्रम छ।</p>
प्रतिक्रिया दिनुहोस्
.jpg)
