तीन फरक खेल खेल्दै नेपाल: अष्ट्रेलियासँग फुटबल, ओमनसँग क्रिकेट, ब्याडमिन्टनका प्रिन्स फाइनल खेल्दै
<p>काठमाडौं. बडा दशैँ अझै सकिएको छैन। आज दशैँको १२ औँ दिन, नेपालमा सबै दशैँमा रमाइरहँदा नेपाली खेलकुद भने अहिले निकै व्यस्त छ। दुई चर्चित खेल फुटबल र क्रिकेटको सिनियर टीम अहिले विदेशमा छ।</p>
<p>राष्ट्रिय फुटबल टीमले आज अष्ट्रेलियासँग खेल्दैछ। सन् २०२२ मा कतारमा हुने फिफा विश्वकप र सन् २०२३ मा चीनमा हुने एसियन कपको संयुक्त छनोट अन्तर्गत नेपाल समूह बी को तेस्रो खेलमा आज एसियन पावर हाउस अष्ट्रेलियासँग खेल्न लागेको हो।</p>
<p>खेल नेपाली समय अनुसार २:४५ बजे अष्ट्रेलियाको राजधानी क्यानबेरास्थित जिओ स्टेडियममा हुनेछ।</p>
<p>नेपालले कुवेतसँगको पहिलो खेल ७-०ले हारेको थियो। दोस्रो खेलमा चाईनिज ताईपेईलाई २-० ले पराजित गरेको थियो।</p>
<p>यस्तै ओमनमा भईरहेको ओमन पेन्टागुलर टी-२० अन्तर्राष्ट्रिय सिरिजमा नेपाली क्रिकेट टिमले आज अन्तिम खेल खेल्दैछ।</p>
<p><img alt="" height="560" src="https://www.dekhapadhi.com/storage/photos/shares/Sports/cricet.jpg" width="840" /></p>
<p>नेपालले अन्तिम खेल घरेलु टोली ओमनसँग खेल्दैछ। पाँच राष्ट्र सहभागी सिरिजमा ओमनले अपराजित रहदै ३ वटै खेल जितेको छ।</p>
<p>नेपालले भने हङकङ, नेदरल्यान्ड्सलाई हराएको थियो भने आयरल्याण्डसँग पराजित भएको थियो।</p>
<p>यसैगरी नेपाली युवा ब्याडमिन्टन स्टार प्रिन्स दाहालले आजै माल्दिभ्समा भईरहेको साउथ एसियन यू-२१ रिजनल ब्याडमिन्टन च्याम्पियनसिपमा सिंगल्सतर्फ फाइनल खेल्दैछन्।</p>
<p><img alt="" height="472" src="https://www.dekhapadhi.com/storage/photos/shares/Sports/badmintan.jpg" width="840" /></p>
<p>प्रिन्स भारतीय खेलाडी सारथ डुन्नासँग फाइनल खेल्नेछन्।<br />
</p>
प्रतिक्रिया दिनुहोस्
.jpg)
