दक्षिण एशियाली यू-२१ ब्याडमिन्टन च्याम्पियनसीपमा प्रिन्स दोस्रो
<p>माल्दिभ्समा भएको दक्षिण एसियाली क्षेत्रिय यू-२१ ब्याडमिन्टन च्याम्पियनसीपमा नेपालका युवा स्टार प्रिन्स दाहाल दोस्रो भएका छन्।</p>
<p>पुरुष एकलतर्फ आज भएको फाइनलमा प्रिन्स भारतीय खेलाडी साराथ दुन्नासँग पराजित हुँदै दोस्रो भएका हुन्।</p>
<p>च्याम्पियनसिपमा तेस्रो वरीयता पाएका सारथसँग प्रिन्स २१-१४, २१-१६ ले पारजित भएका हुन्।</p>
<p>गत महिना दुबई जुनियर इन्टरनेशनल सिरिजमा यू-१९ तर्फ स्वर्ण जितेका प्रिन्स घरेलु कोर्टमा भएको अन्नपूर्ण नेपाल अन्तर्राष्ट्रिय सिरिजमा पुरुष एकलको सेमिफाइनलमा पुगेका थिए।</p>
<p>दुवै सिरिजमा प्रिन्सको उपलब्धी नेपाली खेलाडिको लागि कीर्तिमान हो। पछिल्लाे समय १६ वर्षीय प्रिन्सले भाग लिएको अन्तर्राष्ट्रिय प्रतियोगितामा नेपाललाई पदक दिलाउँदै आएका छन्।</p>
<p>युवा उमेरमै प्रिन्सले नेपाली ब्याडमिन्टनमा ठूलो छलाङ मारिरहेका छन्। नेपालमै आगामी १५-२५ मंसिरमा हुने १३औं दक्षिण एशियाली खेलकुदका लागि समेत प्रिन्स छनोट भइसकेका छन्।</p>
प्रतिक्रिया दिनुहोस्
.jpg)
