टेष्ट क्रिकेटमा कोहलीको २६औं शतक
<p>काठमाडौं। भारतीय टिमका कप्तान विराट कोहलीले टेष्ट क्रिकेटमा २६औं शतक बनाएका छन्।</p>
<p>दक्षिण अफ्रिका विरुद्ध घरेलु मैदानमा भइरहेको दोस्रो टेष्टको पहिलो इनिङ्समा कप्तान कोहलीले शतक पुरा गरेका छन्।</p>
<p>पुनेमा भइरहेको खेलको दोस्रो दिन कोहलीले १७३ बल खेल्दै भर्नो फिलान्डरको बलरमा चौका प्रहार गरेर शतक पुरा गरेका हुन्।</p>
<p>ओडिआई क्रिकेटमा ४३ शतक प्रहार गरिसकेमा कोहलीको अन्तर्राष्ट्रिय क्रिकेटमा यो ६९औं शतक हो।</p>
<p>भारतले २७३/३ बाट दोस्रो दिनको खेल अगाडि बढाउँदा कोहली ६३ र उपकप्तान अजिन्का रहाने १८ रनमा नटआउट थिए। दुवैले दोस्रो दिन उत्कृष्‍ट ब्याटिङ गर्दै एक सय ५८ रनको साझेदारी गरिसकेका छन्। लन्चसम्म भारतले ११३ ओभर खेल्दै ३ विकेट गुमाएर ३५६ रन बनाएको छ। कोहलीले १०३ रन बनाइसकेका छन्।</p>
<p>अर्धशतक बनाइसकेका रहाने ५८ रन बनाएर खेलिरहेका छन्। पहिलो दिन ओपनर मायंक अग्रवालले १०८ र चेतेश्वर पुजाराले ५८ रन बनाएका थिए।<br />
</p>
प्रतिक्रिया दिनुहोस्
.jpg)
