साफ यू-१५ महिला च्याम्पियनसिपमा नेपालको लगातार दोस्रो हार
<p>आज भएको खेलमा नेपाल बंगलादेशसँग २-१ ले पराजित भएको हो।</p>
<p>यसअघि नेपाल पहिलो खेलमा भारतसँग ४-१ ले पराजित भएको थियो।</p>
<p>थिम्पुमा भएको खेलमा बंगलादेशलाई जित दिलाउन शाहिदा अख्तरले १२औं र शामसुन्नहरले २५औं मिनेटमा गोल गरिन्।</p>
<p>नेपालकी अमिषा कार्कीले ६४औं मिनेटमा एक गोल फर्काइन्।</p>
<p>बंगलादेशले पहिलो खेलमा घरेलु टोली भुटानलाई २-० ले हराएको थियो।</p>
<p>लगातार दोस्रो हारपछि नेपालका प्रशिक्षक राकेश श्रेष्ठले नेपालले पाएकाे अवसर सदुपयोग गर्न नसक्दा पराजित हुनु परेको प्रतिक्रिया दिए।</p>
<p>“खेलाडीले पनि आफ्नो शतप्रतिशत दिन सकेनन्,” श्रेष्ठले भने, “पहिलो हाफमा सोचे जस्तो खेल्न सकेन। दोस्रो हाफमा नेपाल खेलमा फर्किए पनि गोल गर्न सकेन। पहिलो गोलपछि नेपाली खेलाडी आत्तिएझैं देखिए।”</p>
<p>श्रेष्ठले अब भुटानसँग राम्रो खेल्न प्रयास गर्ने बताए।</p>
प्रतिक्रिया दिनुहोस्
.jpg)
