केन्याली धावक किपचोगेद्वारा म्याराथनमा विश्व कीर्तिमान
<p>काठमाडौं। केन्याका एलिउड किपचोगेले दुई घण्टाभन्दा कम समयमा म्याराथन पुरा गरेका छन्। यो कीर्तिमानीसँगै उनी यसो गर्ने पहिलो धावक समेत बने।</p>
<p>३४ वर्षीय किपचोगेले ४२ दशमलब २ किलोमिटरको दूरी १ घण्टा ५९ मिनेट ४० सेकेण्डमा पूरा गरेका हुन्।</p>
<p>उनले अष्ट्रियाको भिएनामा ‘आइएनईओएस १:५९ च्यालेन्ज’ मा यो उपलब्धी हासिल गरे। तर, यसले आधिकारीक विश्व कीर्तिमानको मान्यता भने पाउने छैन।</p>
<p>यो खुला प्रतिस्पर्धा नभएको बीबीसीले उल्लेख गरेको छ। </p>
<p>कम समयमा म्याराथन पूरा गर्ने विश्व कीर्तिमान भने उनकै नाममा छ। किपचोगेले गत सेप्टेम्बरमा बर्लिन म्याराथनमा २ घण्टा १ मिनेट ३९ सेकेण्डमा दौड पूरा गर्दै कीर्तिमान बनाएका थिए।<br />
</p>
प्रतिक्रिया दिनुहोस्
.jpg)
