अष्ट्रेलियामा आजदेखि रिचा मेमोरियल क्रिकेट टुर्नामेन्ट
<p>काठमाडौं। नेपाल क्रिकेट संघ क्यानका पूर्व उपाध्यक्ष नरेश श्रेष्ठकी छोरी रिचा श्रेष्ठको स्मृतिमा अष्ट्रेलियामा आजदेखि रिचा मेमोरियल क्रिकेट टुर्नामेन्ट २०१९ हुँदैछ।</p>
<p>सगरमाथा क्रिकेटको आयोजना तथा भिक्टोरिया नेप्लिज क्रिकेट एसोसियसनको सहकार्यमा भिक्टोरिया, मेलबर्नमा १३ अक्टोवरदेखि प्रतियोगिता हुन लागेको हो।</p>
<p>प्रतियोगितामा ८ वटा टिमले प्रतिस्पर्धा गर्ने सगरमाथा क्रीकेट क्लब मेलबर्नका पुर्ब अध्यक्ष तथा भिक्टोरिया नेप्लिज क्रिकेट एसोसिएशनका अध्यक्ष बिबेक श्रेष्‍ठले जानकारी दिए। बिबेक रिचाका श्रीमान् हुन्। रिचाका दुई जना दाजु युनिल र मन्जित श्रेष्ठले राष्ट्रिय टिमका लागि खेलिसकेका छन्।</p>
<p>प्रतियोगितामा हप्तामा एक दिन मात्र खेल हुनेछ। जसअन्तर्गत आज चार खेल हुनेछ। पहिलो खेल सगरमाथा ब्रिलियन्ट र दी हिमालयन क्लबबीच हुनेछ।</p>
<p>प्रतियोगितामा सहभागी ८ टिमलाई दुई समूहमा विभाजन गरिएको छ। </p>
<p>दुवै समूहको शीर्ष दुई टोली सेमिफाइनल पुग्नेछन्।</p>
प्रतिक्रिया दिनुहोस्
.jpg)
